Umsókn Íslands um aðild að Evrópusambandinu - ESB

Össur Skarphéðinsson utanríkisráðherra og Karel De Gucht viðskiptastjóri Evrópusambandsins bundust í dag fastmælum um að náið samráð yrði haft við Íslendinga í krafti stöðu þeirra sem umsóknarríkis, um hinn stóra viðskiptasamning Evrópusambandsins og Bandaríkjanna sem nú er í undirbúningi.

Á fundi með Össuri Skarphéðinssyni, utanríkisráðherra, kvaðst Stefan Fule, stækkunarstjóri Evrópusambandsins, hafa fullan skilning á sérstöðu Íslands um bann við innflutningi á lifandi dýrum og sagði að fullur vilji væri til að taka tillit til hinna sérstöku aðstæðna sem ríktu á Íslandi um dýra- og plöntuheilbrigði.

Össur Skarphéðinsson utanríkisráðherra átti í dag fund með Günther Oettinger, sem fer með orkumál í framkvæmdastjórn Evrópusambandsins.